加碼! 啪啪啪!!
加碼! 啪啪啪!!
公司獲得幾百億大還丹續命之後
同日宣佈延長SicLunSi條約
繼續要求大家慷慨就義 共渡時艱
放無薪假期之餘另加減薪
仲話今次攤長黎計
拉勻一生其實每個月扣好少
十足十d仔氹你話just the tip咁
同大家溫故知新
SicLunSi條約1.0早係二月份推出
但直至四月班高層先出黎大鑼大鼓
嘈B巴閉咁話會跟隊
換而言之
佢地一開始只係打算搵班前線做祭品
無奈小薯命賤補唔到青天
高層們先逼不得已紆尊降貴 救苦救難
嘻嘻~ 共渡時艱喎
咁當然公司除左動之以情
亦不忘脅之以災
放風話唔簽嘅同事有機會被秋後算賬
其實一間視員工為condom嘅公司
你認為假若有一日佢苟延殘喘
需要裁員吊命
會顧念你屍屁屁高到變左負數?
會讚賞你手頭上有四十八張特朗普卡?
會感激你全盛時期試過篤灰千人斬?
會記得你過時過節幫佢跳過幾多隻舞?
會答謝你為公司付出數十載嘅青春?
更遑論只係付出過區區減薪數千
貢獻過寥寥幾週無薪假期
大家心知肚明
呢條SicLunSi條約由始至終都係搵笨柒
要錢嘅唔會簽
要假嘅唔需要簽
在情又同佢冇乜感情
在理更加一d都唔合理
而家公司仲戴哂頭盔唔肯承諾唔會裁員
做順民都保唔到你一生平安
總之字就佢贏 公就你輸
咁不如留返份老底旁身好過
冇得揀嘅時候又話好嬲好嬲
到畀你揀時又話驚被清算
大家其實知唔知自己想要d乜?
Search